Yanga yaendelea kuiwinda Mtibwa Sugar

Kikosi cha Yanga kinaendelea na mazoezi kwenye uwanja wa uhuru jijini Dar es salaam kikijiandaa na mchezo wa ligi kuu ya Vodacom mzunguuko wa tano dhidi ya vinara wa ligi hiyo, Mtibwa Sugar.

Yanga haihitaji matokeo mengine zaidi ya ushindi kwenye mchezo huo ili kutuliza 'mzuka' wa mashabiki wake ambao bado wana kiu ya kuiona timu yao ikicheza kandanda safi.



Tayari Yanga imeshuka dimbani mara nne, imeshinda mbili na kutoka sare mbili. Kwenye msimamo wa ligi inashika nafasi ya sita ikiwa na alama nane. Mtibwa Sugar na Azam zina alama 10, Mtibwa inaongoza kutokana na kupachika mabao mengi.

Yanga imepata ahueni baada ya wachezaji wake wote waliokuwa majeruhi kurejea dimbani.