Tiketi zinapatikana uwanja wa Taifa

Uongozi wa klabu ya Yanga umewatoa hofu mashabiki wa timu hiyo ambao mpaka sasa hawajapata tiketi kuwa wafike uwanjani mapema kwani kuna vituo zaidi ya 100 vya kukata tiketi

"Tayari tumeshika kalamu zenye wino wa dhahabu, tayari kuandika historia ya ukuu na kuitia mhuri wa moto idumu milele"

"Barabara za kuelekea Uwanja wa Taifa, zimepambwa na kijani na njano, kelele zinazosikika ni nyimbo za wananchi, sauti za shangwe na fujo zisizoumiza"

"Wewe ambaye hujapata tiketi kwa sababu yoyote ile, tukutoe hofu. Nje ya Uwanja kuna mawakala zaidi ya 100 walio tayari kukuhudumia"

"Njoo na familia yako, njoo tuandike histori pamoja"