Mabingwa wa kihistoria Tanzania, Yanga leo wanarejea rasmi katika majukumu ya Kimataifa kwa kumenyana na Township Rollers katika mchezo wa ligi ya mabingwa hatua ya awali
Mchezo huo wa kwanza utapigwa dimba la Taifa kuanzia saa 12 jioni
Viingilio vya mchezo; VIP A Tsh 50,000/- VIP B na C Tsh 15,000/- Mzunguuko Tsh 5,000/-
Huu ni mchezo muhimu kwa Yanga iliyorejea katika michuano ya CAF baada ya kukosa kwa msimu mmoja
Mashabiki wametakiwa kujitokeza kwa wingi uwanja wa Taifa ili kuipa sapoti Yanga ambayo itakuwa ikiwakilisha nchi
Yanga inahitaji kuibuka na ushindi leo ili kujiweka katika nafasi nzuri ya kutinga raundi ya kwanza
Uwepo wa mashabiki wengi uwanjani, utawahamasisha wachezaji kuipigania timu iweze kupata ushindi
Aidha huu ni mchezo wa kisasi kwa Yanga kwani ni hawahawa Rollers ambao waliwaondosha kwenye michuano ya ligi ya mabingwa mwaka jana
Wakati Yanga ikishuka uwanja wa Taifa, watani zao Simba watakuwa dimbani huko Msumbiji kuumana na UD Songo
Mchezo wa Simba utaanza mapema zaidi ambapo itakuwa ni saa 11 jioni kwa saa za Tanzania
KMC nayo itakuwa uwanjani huko Rwanda ikicheza na AS Kigali katika mchezo wa kombe la Shirikisho
Azam Fc itashuka dimbani kesho Jumapili nchini Ethiopita kuumana na Fasil Ketema
Ni muhimu kwa wawakilishi wote wa Tanzania kufanya vizuri kwenye michuano ya CAF mwaka huu ili kuendelea kujihakikishia ushiriki wa nafasi nne
