Balama, nyota inayong'aa Yanga

Ukizungumzia wachezaji wapya waliotua Yanga ambao wanafanya vizuri kikosini, huwezi kuacha kutaja jina la kiungo Mapinduzi Balama

Balama amejihakikishia namba kwenye kikosi cha kocha Mwinyi Zahera, hakika anaifanya kazi yake vyema

Jana kwenye mchezo dhidi ya Township Rollers Balama aliendeleza kile ambacho amekuwa akikifanya tangu alipotua Jangwani

Kwa mwenendo alioanza nao, kiungo huyo anatabiriwa atafanya mambo makubwa msimu huu

Balama alitua Yanga kwa mkataba wa miaka mitatu akitokea klabu ya Alliance Fc baada ya kupendekezwa na Zahera

Amekuwa na mwanzo mzuri, akiwa mmoja wa wachezaji wa kutegemewa kwenye kikosi cha Zahera