Kikosi cha Yanga kinaelekea Afrika Kusini ambako watatokea kuifuata Township Rollers nchini Botswana
Jana baada ya mchezo dhidi ya AFC Leopards, msafara wa timu hiyo ulirejea mkoani Kilimanjaro ambako utaanzia safari kuelekea kwa Madiba
Mchezo wa marudiano dhidi ya Rollers utapigwa Jumamosi August 24, hata hivyo Yanga inawahi kwenda Botswana ili kupata muda wa kufanya maandalizi ya mwisho pamoja na kuzoea hali ya hewa
Inaelezwa kwa sasa hali ya hewa ya Botswana ni baridi kali hivyo ni muhimu kwa wachezaji kupata angalau siku tatu za kuzoea kabla ya mchezo wa Jumamosi ambao utaamua timu ya kutinga raundi ya kwanza
Matokeo ya sare ya bao 1-1 ya mchezo wa kwanza uliopigwa uwanja wa Taifa, bado yanaipa Yanga nafasi ya kusonga mbele kama itaweza kupata ushindi ugenini au hata matokeo ya sare ya kuanzia mabao mawili
