Yanga vs Ruvu Shooting uwanja wa Uhuru kesho

Baada ya kutinga raundi ya kwanza ya michuano ya ligi ya mabingwa, kesho Jumatano kikosi cha Yanga kitashuka uwanja wa Uhuru kucheza mchezo wake wa kwanza ligi kuu ya Vodacom

Hesabu za kocha Mwinyi Zahera ni kuhakikisha Yanga inaanza kampeni yake ya kusaka ubingwa wa ligi kuu kwa ushindi

Wachezaji walipata mapumziko ya siku moja baada ya kurejea kutoka Botswana na leo wanafanya maandalizi ya mwisho kuelekea mchezo huo

Yanga imeweka kambi Hoteli ya Nefaland jijini Dar es salaam

Katika moja ya mahojiano yake, Zahera alisema msimu huu utakuwa wa furaha kwa Wanayanga kwani wana timu imara

Matumaini ya ushindi kuelekea mchezo huo ni makubwa, ari ya wachezaji iko juu kutokana na mafanikio waliyopata Botswana