Chikupe muafaka bado

Beki Andrew Vicent Chikupe bado hajafikia muafaka na uongozi wa Yanga hivyo kumfanya aendelee kuwa nje ya kikosi cha mabingwa hao wa kihistoria

Wakati Kelvin Yondani na Juma Abdul wakiwa wamerejea, Chikupe bado ameweka mgomo akishinikiza alipwe fedha zake zote

Makamu Mwenyekiti wa Yanga Fredrick Mwakalebela amesema bado wanajadiliana na mchezaji huyo ili aweze kuungana na wenzake

Hata hivyo kuendelea kuwa nje ya kikosi, huenda kukamuathiri mwenyewe kwani kutofanya mazoezi na wenzie ni tatizo

Kwa sasa safu ya ulinzi ya Yanga haionekani kuwa na changamoto hasa baada ya kurejea Yondani

Lakini hakuna shaka bado beki huyo kisiki anahitajika kwenye kikosi cha Yanga