Licha ya uongozi wa Yanga kumsihi beki Andrew Vicent aripoti kambini kuendelea na mazoezi ya maandalizi ya mchezo dhidi ya ZESCO, amekataa
Kumekuwa na majadiliano baina ya uongozi wa Yanga na mchezaji huyo ambaye anadai fedha zinazofikia Tsh Milioni 18 yakiwa ni madai ya mishahara ya nyuma na fedha za usajili
Makamu Mwenyekiti wa Yanga Fredrick Mwakalebela amesema juzi katika kikao cha Kamati ya Utendaji, suala lake lilijadiliwa na kufikia muafaka alipwe mara moja fedha zitakapopatikana, lakini aripoti kambini kuanza mazoezi
Mwakalebela amesema sio yeye pekee anayeidai Yanga, wachezaji wengi wakiwemo wengine ambao wamehama, wana madai lakini amewahakikishia watalipwa
Misimu miwili iliyopita, Yanga ilikubwa na ukata uliopelekea kuwa na malimbikizo ya mishahara ya wachezaji na fedha za usajili
Mwakalebela amesema wamekuwa wakimaliza madai hayo taratibu huku wakihakikisha hawaongezi madeni kutoka kwa wachezaji waliopo sasa
Beki Kelvin Yondani na Juma Abdul ni miongoni mwa wachezaji ambao waliweka mgomo kushinikiza walipwe, wao walikubali kupokea sehemu ya malipo yao na kurejea mazoezini
Chikupe ametaka kulipwa fedha zake zote ndio arudi mazoezini
