Jumamosi ya Septemba 14 ni siku muhimu sana kwa Wanayanga ambapo timu yao itashuka kwenye uwanja wa Taifa kuikabili Zesco United katika mchezo wa kwanza wa kusaka nafasi ya kutinga hatua ya makundi ligi ya mabingwa
Ni mchezo ambao kila Mwanayanga anajua matokeo ya ushindi ni lazima, kujitokeza kwa wingi kuujaza uwanja wa Taifa ni jambo la lazima pia
Lakini siku hiyo pia Wanayanga wamepanga kupaza sauti zao kwa utaratibu maalum kupinga adhabu ya mavazi aliyopewa kocha wao Mwinyi Zahera
Zahera aliadhibiwa na Bodi ya Ligi akitakiwa kulipa faini ya Tsh 500,000/- baada ya kuvaa 'pensi' kwenye mchezo dhidi ya Ruvu Shooting
Wanayanga wameazimia kuonyesha umoja wao kwa kumuunga mkono Zahera ambapo siku hiyo 'pensi' litakuwa vazi rasmi kwa viongozi na mashabiki
Ni kuonyesha kutokubaliana na kanuni hiyo ya mavazi ambayo kimsingi inaonekana imemlenga zaidi Zahera kwani yeye ndio hutumia zaidi mavazi hayo na ndiye kocha wa kwanza kukumbana na adhabu
