Misimu miwili iliyopita aliyekuwa mshambuliaji wa Yanga Donald Ngoma alisaini mkataba wa miaka miwili kuwatumikia mabingwa hao wa kihistoria
Hata hivyo Ngoma alikumbwa na majeruhi ambayo yalimuweka nje kwa muda mrefu
Hali hiyo ilipelekea mvutano baina yake na Yanga kupelekea mkataba wake kuvunjwa
Ngoma akajiunga na Azam Fc ambayo ilichukua jukumu la kumtibu, akapona na sasa amekuwa msaada mkubwa kwa timu hiyo
Tukio hilo limekuwa somo kwa uongozi mpya wa Yanga chini ya Mwenyekiti Dk Mshindo Msolla kwa winga Juma Mahadhi
Mahadhi alipata majeraha ya goti msimu uliopita, alikaa nje msimu mzima
Uongozi wa Yanga umetimiza wajibu wake kumtibu winga huyo huku pia ukimuongeza mkataba baada ya ule wa awali kumalizika
Ni hivi karibuni tu Mahadhi amerejea kutoka nchini India alikokuwa amekwenda kutibiwa na huenda winga huyo akaanza kuonekana dimbani karibuni
