Ile siku ambayo Wanayanga walikuwa wakiisubiri kwa hamu hatimaye imewadia ambapo katika dimba la Taifa, watashuhudia mchezo wa kukata na shoka kati ya Yanga dhidi ya ZESCO United ambao utaanza saa kumi jioni
Baada ya kukosa kushiriki michuano ya Kimataifa kwa msimu mmoja, Yanga wamerejea, sasa wakilenga kutinga hatua ya makundi
Ushindi wa jumla dhidi ya ZESCO utatosha kuwapeleka hatua hiyo mabingwa hao wa kihistoria
Leo ni siku muhimu kwa mashabiki kuonyesha sapoti kwa timu yao, ushindi unapaswa uanze kupatikana nje ya uwanja
ZESCO wakiingia 'Kwa Mkapa' wakute uwanja 'umetapika', kisaikolojia watakuwa kwenye wakati mgumu
Hakuna shaka, Yanga imejipanga vilivyo, wachezaji wanafahamu ni mchezo ambao wanahitaji kushinda
Shamrashamra zitaanza mapema tu saa tano asubuhi kwa burudani mbalimbali uwanja wa Taifa
Serikali pamoja na Bunge la Jamhuri ya Muungano wa Tanzania wameitakia kheri Yanga kuweza kufanya vizuri kwenye mchezo wa leo
Bila shaka, Yanga leo itawapa furaha Watanzania hasa mashabiki wake kwa kuibuka na ushindi dhidi ya ZESCO United
