Kocha Mkuu wa Zesco United George Lwandamina amekiri kuwa kiungo mkabaji wa Yanga Abdulaziz Makame 'Bui' ndiye aliyewavuruga mipango yao jijini Dar es salaam akishukuru kupata sare ya bao 1-1 dhidi ya Yanga kwenye mchezo uliopigwa uwanja wa Taifa
Katika mchezo huo, Makame alicheza sehemu ya kiungo pamoja na 'nduguze' kutoka visiwani Zanzibar Feisal Salum 'Fei Toto' na Mohammed Issa 'Banka'
Mkufunzi huyo wa zamani wa Yanga amesema alivutiwa na aina ya uchezaji wa Bui mara kwa mara akihusika kukata mawasiliano baina safu ya kiungo na washambuliaji wa Zesco
Kiwango alichoonyesha Bui kwenye mchezo huo, kimemuweka kwenye nafasi nzuri ya kujihakikishia namba kwenye kikosi cha kwanza
Kocha Mwinyi Zahera alisema Makame alitimiza vyema majukumu aliyompa katika mchezo huo
Makame ameitwa kwenye kikosi cha timu ya Taifa kinachojiandaa na mchezo dhidi ya Sudan kusaka tiketi ya kutinga fainali za CHAN
Wachezaji wengine wa Yanga walioitwa ni pamoja na mlinda lango Metacha Mnata, Kelvin Yondani, Mohammed Issa na Feisal Salum
