Kocha Mkuu wa Yanga Mwinyi Zahera amewatoa hofu mabosi wa timu hiyo kuwa wanakwenda Zambia kupigania matokeo ambayo yatawapeleka hatua ya makundi michuano ya ligi ya mabingwa barani Afrika
Baada ya kulazimishwa sare ya bao 1-1 dhidi ya Zesco kwenye mchezo wa nyumbani, Yanga inaelekea Zambia kesho huku ikihitaji matokeo ya ushindi au sare ya kuanzia mabao mawili
Inaelezwa mwishoni mwa wiki mabosi wa Yanga walikutana na Zahera kujadili masuala mbalimbali ikiwemo mwenendo wa timu na maandalizi kuelekea mchezo dhidi ya Zesco
Mcongomani huyo amewahakikishia kuwa hawaendi Zambia kutembea, wamepania kushinda ili waweze kutinga hatua ya makundi
Yanga itakwenda Zambia na wachezaji 22 pamoja na viongozi saba wa benchi la ufundi
Mabingwa hao wa kihistoria walitanguliza baadhi ya viongozi nchini Zambia kuweka mambo sawa kabla ya kikosi kuwasili
