Baada ya Yanga kuondoshwa michuano ya ligi ya mabingwa na kushushwa kombe la Shirikisho, kocha Mkuu wa timu hiyo Mwinyi Zahera amesema ili kuwa na uhakika wa kutinga makundi watahitaji kufunga mabao mengi nyumbani
Zahera ambaye timu yake iliondolewa na Zesco kwa kufungwa mabao 2-1, amekiri kuwa uhaba wa mabao nyumbani umewasababishia kushindwa kuingia makundi ligi ya mabingwa
"Hakufunga mabao mengi, tulikuwa na changamoto za hapa na pale kwenye safu yetu ya ushambuliaji lakini sasa nadhani tumeanza kuwa vizuri," amesema
"Hatupaswi kurudia makosa tuliyofanya ligi ya mabingwa, tunahitaji kufunga mabao zaidi ya mawili nyumbani ili kupunguza presha ya mchezo wa ugenini"
Yanga inasubiri kumjua mpinzani wake droo ikitarajiwa kufanywa wiki ijayo nchini Misri
Jambo la uhakika ni kuwa Yanga itaanzia nyumbani na baadae kwenda kumalizia ugenini
Kwenye mchezo huo Yanga itamkosa beki wake kisiki Lamine Moro aliyepewa kadi mbili za njano kwenye mchezo dhidi ya Zesco
