Droo ya makundi michuano ya ligi ya mabingwa barani Afrika pamoja na hatua ya mtoano michuano ya kombe la Shirikisho, itafanyika Jumatano ijayo October 09 jijini Cairo, Misri
Ni siku hiyo ambayo Yanga itamfahamu mpinzani watakayekutana nae katika mchezo wa kusaka nafasi ya kutinga hatua ya makundi ya michuano ya kombe la Shirikisho
Kulingana na ratiba ya CAF, mchezo wa kwanza utapigwa October 27 jijini Dar es salaam na mchezo wa marudiano kupigwa Novemba 03 ugenini
Timu 16 ambazo zitaibuka na ushindi katika michezo hiyo zitatinga makundi
Yanga ina uzoefu katika hatua hii kwani katika kipindi cha miaka mitatu, imecheza makundi mara mbili
Miongoni mwa timu ambazo Yanga inaweza kupangwa nazo ni Paradou AC (Algeria), ESAE (benin), DC Motema Pembe (DRC), FC San Pedro (Ivory Coast ), Pyramids ( Egypt ), Bandari (Kenya ), Bidvest Wits (South Africa ), TS Galaxy (South Africa ), Proline (Uganda ) na Triangle United (Zimbabwe)
