Kabla ya kuanza msimu, uongozi wa Yanga ulianzisha mchakato wa kusaka kocha msaidizi mzawa ambaye angesaidiana na kocha Mkuu Mwinyi Zahera
Hata hivyo Zahera alipinga mchakato huo akieleza kuwa na imani na Noel Mwandila ambaye amekuwa akifanya nae kazi tangu alipotua Yanga mwaka jana
Lakini kutokana na mwenendo wa timu, Kamati ya ufundi ya Yanga imeshauri kupata kocha msaidizi mzawa
Jambo jema ni kuwa hata kocha Zahera mwenyewe inaelezwa amekubali kufanyika kwa mchakato huo
Mwandila ni kocha wa mazoezi ya viungo, hivyo hata kama Yanga italeta kocha Msaidizi mwingine, yeye ataendelea na majukumu yake
Baada ya matokeo ya juzi, viongozi wa Yanga walikutana na wachezaji pamoja na benchi la ufundi lengo likiwa kuweka mkakati wa kuhakikisha timu inarejea katika ushindani
Hapa swali ni nani atafaa kusaidiana na Zahera kuipa mafanikio Yanga?
