Yanga imefanikiwa kupata alama tatu muhimu leo kwenye mchezo wa ligi kuu Tanzania Bara dhidi ya Coastal Union
Kiungo Abdulaziz Makame 'Bui' ndiye aliyekuwa shujaa wa Yanga akifunga bao pekee kwenye dakika ya 51
Makame aliunganisha mpira wa kichwa ambao mlinzi wa Coastal Union aliuokoa ukiwa tayari umevuka mstari
Yanga ilicheza vizuri kwenye kipindi cha kwanza ikitawala mchezo changamoto ikiwa kwenye umaliziaji
Katika kipindi cha pili ilitengeneza nafasi kadhaa moja ya nafasi ikipotezwa na Mrisho Ngasa
Mchezo wa leo ulikuwa muhimu kwa Yanga kuibuka na ushindi ili kurejesha morali ya kikosi
Hata hivyo kocha Mwinyi Zahera alilazimika kufanya mabadiliko makubwa ya kikosi chake leo kutokana na baadhi ya wachezaji muhimu kukosekana kutokana na sababu mbalimbali
Lamine Moro, Patrick Sibomana, Sadney Urikhob, Papy Tshishimbi na Mohammed Issa 'Banka' ni miongoni mwa wachezaji waliokosekana
