Wakati wa michuano ya Afcon mdau mmoja aliweka makala humu ndani akionyesha hofu yake kwa Yanga kuanza maandalizi ya msimu mpya bila ya kuwa na kocha wake Mkuu Mwinyi Zahera ambaye alikuwa Misri na timu ya Taifa ya DR Congo akishiriki michuano ya Afcon
Pengine kwa kiasi fulani, maandalizi ya Yanga mwanzoni mwa msimu yaliyumba baada ya kocha huyo kuchelewa
Kutokana na kikosi cha Yanga kuwa na nyota wengi wapya, ilipaswa Zahera mwenyewe aifanye kazi ya kukiandaa kikosi chake tangu mwanzo
Bado changamoto hiyo itaendelea kuiathiri Yanga kwa kiasi fulani kama uongozi hautakaa chini na Zahera kuliweka jambo hili sawa
Mwishoni mwa mwezi huu Yanga inakabiliwa na mchezo muhimu wa kombe la Shirikisho ambao matokeo ya ushindi yanaweza kuwaweka katika nafasi nzuri ya kutinga hatua ya makundi kombe la Shirikisho
Lakini pia Oktoba 22 Yanga inakabiliwa na mchezo wa ligi kuu dhidi ya Alliance Fc
Sasa kulingana na taarifa iliyotolewa na Afisa Habari wa Yanga Hassani Bumbuli, Zahera amerejea DR Congo kutekeleza majukumu ya timu ya Taifa
Anatarajiwa kurudi nchini Oktoba 19, siku mbili kabla ya mchezo dhidi ya Alliance na wiki moja kabla ya mchezo wa kombe la Shirikisho
Viongozi wa Yanga wanapaswa kuliangalia hili kwa mapana ili kocha huyo apewe mkataba ambayo utamuondolea majukumu ya timu ya Taifa angalau kwa muda ili ajikite katika kuijenga Yanga
Licha ya kuandaa program ya mazoezi na kumuachia Mwandila, lakini naamini mafanikio zaidi yangepatikana kama angesimamia mazoezi hayo yeye mwenyewe
