Huyu Molinga mipira ya adhabu hakukosi

Mshambuliaji wa Yanga David Molinga amedhihirisha sio mtu wa mchezo linapokuja suala la mipira ya adhabu

Akiwa tayari amefunga bao moja kupitia faulo kwenye ligi, leo Molinga alifunga bao jingine kwenye mchezo wa kirafiki kati ya Yanga dhidi ya Friends Rangers ambao ulipigwa asubuhi uwanja wa chuo cha Polisi, Kurasini

Katika mchezo huo ambao Yanga iliibuka na ushindi wa mabao 4-2, Molinga alifunga mabao mawili moja likiwa bao maridhawa lililotokana na mpira wa adhabu

Mabao mengine ya Yanga yalifungwa na Maybin Kalengo na Papy Tshishimbi

Mchezo huo ulikuwa sehemu ya mazoezi ya kikosi cha Yanga kinachojiandaa na mchezo wa ligi kuu dhidi ya Mbao Fc pamoja na kombe la Shirikisho dhidi ya Pyramids Fc utakaopigwa Oktoba 27 CCM Kirumba Mwanza