Kocha Mkuu wa Yanga Mwinyi Zahera amesema wamejiandaa kikamilifu kuhakikisha wanapata matokeo ya ushindi kwenye mchezo wa kwanza wa kombe la Shirikisho kusaka nafasi ya kutinga makundi
Mchezo huo utapigwa kesho Jumapili kwenye uwanja wa CCM Kirumba
Akizungumza na waandishi wa habari leo katika mkutano uliohusisha makocha na manahodha wa timu zote, Zahera amesema watakuwa nyumbani hivyo wana kila sababu ya kupata ushindi
"Tumefanyia kazi mapungufu hasa kwenye safu ya ushambuliaji. Vijana wako tayari kwa ajili ya mapambano"
"Tumejiandaa vyema kuweza kutumia uwanja wa nyumbani kupata ushindi," amesema
Nae Mkufunzi wa Pyramids Fc Sebastien Desabre raia wa Ufaransa amesema kikosi chake kipo tayari kwa mchezo dhidi ya Yanga Jumapili
Desabre amesema wapinzani wao ni timu bora hivyo anaamini utakuwa mchezo mzuri na wenye upinzani
