Kampuni ya GSM ambao ni moja ya wadhamini wa klabu ya Yanga pia wakiwa wasambazaji wakuu wa jezi za klabu hiyo, leo wametoa ahadi ya kitita cha Tsh Milioni 30 kama Yanga itafanikiwa kutinga makundi
Ahadi hiyo imetolewa na Mkurugenzi wa Uwekezaji wa GSM, Mhandisi Hersi Said katika hafla ya kuwakabidhi wachezaji kitita cha Tsh Milioni 10 ahadi waliyotoa mechi dhidi ya Mbao Fc
Said amesema Milioni 30 iko mezani kwa ajili yao kama watapata matokeo dhidi ya Pyramids baada ya michezo yote miwili na kufanikiwa kutinga makundi
Ahadi hiyo inaongeza fedha ambazo wachezaji wa Yanga watapata kama watatinga makundi kufikia Milioni 130 baada ya hapo jana kocha Mwinyi Zahera kutoa ahadi ya Tsh Milioni 100
Akizungumza kwa niaba ya wachezaji kwenye hafla hiyo, nahodha msaidizi wa Yanga Juma Abdul amewashukuru GSM kwa kuendelea kuwahamasisha
Amesema watahakikisha wanaendelea kufanya vizuri ambapo leo ameahidi wamejipanga kushinda kuanzia mabao mawili
