Kocha wa zamani wa timu ya Taifa Kim Poulsen ambaye pia aliwahi kuwa Mkurugenzi wa ufundi timu za Taifa za vijana, amezungumzia tetesi za kuhusishwa na Yanga
Poulsen ambaye kwa sasa yuko Denmark amesema hana mkataba na timu yoyote zaidi ya kusimamia program mbalimbali za FIFA
Mdenish huyo ameeleza kuwa tayari kujiunga na Yanga kama atapewa nafasi hiyo
"Niko Denmark naendelea na project mbalimbali za FIFA. Sina mkataba na timu yoyote ile kwa sasa. Nimepokea simu nyingi kutoka Tanzania leo. Yanga ni timu kubwa sana Tanzania na nafikiri itanipa pia fursa ya kusaidia maendeleo ya soka la Afrika kama nitakwenda kufanya nao kazi," amesema
Ukizungumzia watu waliochangia maendeleo na mafanikio ya soka la vijana nchini, huwezi kukosa kutaja jina la Poulsen ambaye aliendesha program mbalimbali kukuza soka la vijana nchini
Je Poulsen aliyejikita zaidi katika kusimamia soka la vijana ataweza kuwa mbadala sahihi wa Zahera kama Yanga itaamua kuvunja mkataba wake?
