Kocha Mkuu wa Yanga Mwinyi Zahera amesema pamoja na timu yake kufungwa mabao 3-0 na Pyramids Fc katika mchezo wa kombe la Shirikisho hapo jana, amewapongeza vijana wake kwa kuonyesha kandanda safi
Zahera amesema wachezaji jana walicheza vizuri kuliko mechi zote walizocheza msimu huu
"Nawapongeza wachezaji wangu, nafikiri jana tulionyesha mchezo bora kuliko mechi zote tulizocheza katika michuano ya Kimataifa msimu huu," amesema
Aidha Zahera ameongeza kuwa kocha wa Pyramids Fc alikiri kuwa mchezo wa jana ulikuwa mgumu kuliko mchezo wa kwanza uliopigwa jijini Mwanza
"Kocha wao anasema baada ya kuwapa wakati mgumu kwenye mchezo wa kwanza, walidhani labda ni sababu ya uwanja"
"Lakini jana wameshangaa kuona mchezo ulikuwa mgumu zaidi licha ya kuchezwa katika uwanja wao"
Katika mchezo huo Yanga ilipoteza umakini kwenye dakika 10 za mwisho na kujikuta ikiruhusu mabao mawili
Aidha ni wakati huo ambao walinzi Ally Ally na Lamine Moro walipata majeraha hali iliyomlazimu Papy Tshishimbi kurudi kucheza namba tano
