Baada ya kusitishiwa mkataba wa kuinoa Yanga, kocha Mwinyi Zahera huenda akajiunga na klabu ya AS Vita kuwa kocha msaidizi
Nafasi ya kocha Msaidizi kwenye klabu hiyo inayonolewa na Florent Ibenge, iko wazi
Ibenge na Zahera walikuwa pamoja timu ya Taifa ya DR Congo kabla ya Ibenge aliyekuwa kocha mkuu kujiuzulu baada ya kumalizika kwa michuano ya Afcon 2019 iliyofanyika Misri
Baada ya kutimuliwa na Yanga, Zahera ni kocha huru lakini akiwa na majukumu ya timu ya Taifa pia
Mwenyewe amesema ana ofa nyingi mkononi, siku sio nyingi itafahamika wapi anakoelekea
Wiki iliyopita Kamati ya Utendaji ya Yanga ilivunja mkataba wake kufuatia kutoridhishwa na mwenendo wa timu
Uamuzi huo ulichukuliwa mara moja baada ya Yanga kurejea kutoka Misri ambako ilitolewa kwenye michuano ya kombe la Shirikisho kwa kufungwa jumla ya mabao 5-1 dhidi ya Pyramids Fc katika michezo yote miwili
