Timu ya Taifa ya Tanzania 'Taifa Stars' leo inashuka uwanja wa Taifa kuikabili Guinea ya Ikweta katika mchezo wa kwanza wa kusaka nafasi ya kutinga fainali za Afcon 2021 ambazo zitafanyika nchini Cameroon
Mchezo huo wa kwanza kundi J utapigwa saa moja usiku
Hii ni nafasi kwa Stars kuanza vyema kampeni ya kwenda Cameroon
Katika michuano iliyopita ambayo ilifanyika Misri, Stars ilishiriki kwa mara ya pili katika historia yake
Ilianza kampeni yake kwa kucheza na Lesotho mchezo ambao ulipigwa uwanja wa Azam Complex, Chamazi na kumalizika kwa sare ya bao 1-1
Kocha Mkuu wa Stars Etienne Ndayiragije amesema hawako tayari kurudia makosa ya kukosa ushindi katika mchezo huo wa kwanza
Mbwana Samatta, nahodha wa Stars amewataka Watanzania kujitokeza kwa wingi uwanja wa Taifa ili kuwaunga mkono katika mchezo huo
Guinea ya Ikweta iliwasili nchini juzi, jana jioni ikafanya mazoezi katika uwanja wa Taifa
Timu hiyo imesheheni nyota wengi wanaocheza soka la kulipwa barani Ulaya hasa Hispania ambapo nyota wake wengi wanacheza timu za madaraja ya chini
Wakati Stars ikichuana na Guinea ya Ikweta, mchezo mwingine wa kundi J utazihusisha Tunisia na Libya
