Kikosi cha Yanga leo asubuhi kimefanya mazoezi yake kwenye uwanja wa Uhuru yakiwa ni maandalizi kuelekea michezo ya ligi kuu
Mchezo unaofuata ni dhidi ya JKT Tanzania, wiki ijayo, Jumamosi ya Novemba 23 katika uwanja wa Uhuru
Lakini karibuni, Yanga itacheza mchezo wa kirafiki dhidi ya Coastal Union
Akizungumza baada ya mazoezi hayo, Mratibu wa Yanga Dismas Ten amesema wamekamilisha vyema program yao ya leo
Amesema timu itarejea katika uwanja huo kesho kwa ajili ya mazoezi ya mwisho kabla ya mchezo dhidi ya Coastal Union utakaopigwa keshokutwa Jumapili
Baadhi ya wachezaji waliokuwa majeruhi, wamerejea kikosini na kushiriki mazoezi ya leo
Beki Ally Ally, washambuliaji Juma Balinya na Sadney Urikhob ni miongoni mwa wachezaji walioshiriki mazoezi hayo
