Wakati kikosi cha Yanga kikitarajiwa kushuka dimba la Uhuru kesho Ijumaa kuikabili JKT Tanzania kwenye mchezo wa ligi kuu, mabingwa hao wa kihistoria huenda wakawakosa nyota wao watatu Kelvin Yondani, Metacha Mnata na Abdulaziz Makame ambao walikuwa timu ya Taifa
Stars imewasili usiku wa kuamkia leo kutoka Tunisia ambako ilicheza mechi ya kusaka tiketi ya michuano ya Afcon 2021 na kufungwa mabao 2-1 na Libya
Kaimu Kocha Mkuu wa Yanga Charles Mkwasa huenda akachukua tahadhari ya kutowatumia wachezaji hao kwani hawatakuwa wamepata muda wa kutosha kupumzika baada ya safari ndefu
Nyota mwingine wa Yanga aliyekuwa na majukumu ya timu ya Taifa ni Patrick Sibomana 'PS' ambaye alikuwa na timu ya Taifa ya Rwanda iliyocheza dhidi ya Cameroon Novemba 17 na kufungwa bao 1-0
