Kaimu Kocha Mkuu wa Yanga Charles Mkwasa amesema kikosi cha timu hiyo kiko tayari kwa mchezo wa ligi kuu dhidi ya JKT Tanzania ambao utapigwa kesho Ijumaa katika uwanja wa Uhuru
Mkwasa amesema pamoja na kufahamu wanakwenda kucheza na timu imara, wana matumaini makubwa ya kufanya vizuri kwenye mchezo huo
Mkwasa ameeleza kuridhishwa na muitikio wa wachezaji katika mazoezi anayowapa hivyo kumpa matumaini ya kufanya vizuri
"Baada ya mazoezi ya leo, vijana wangu wako tayari kwa ajili ya mchezo"
"JKT Tanzania ni moja kati ya timu nzuri naamini utakuwa mchezo mzuri sana, vijana wapo tayari kimwili na kiakili kuwakabili wapinzani wetu na kuondoka na pointi tatu hapo kesho," amesema Mkwasa
Uongozi wa Yanga umetaja viingilio vya mchezo huo kuwa VIP ni Tsh 10,000/- wakati upande wa Mzunguuko ni Tsh 5,000/-
Yanga kesho huenda ikarejesha huduma ya baadhi ya nyota wake ambao walikuwa majeruhi Lamine Moro, Mohammed Issa 'Banka' na Ally Ally
Ilikamilisha maandalizi yake ya mwisho leo kwenye uwanja wa Chuo cha Polisi, Kurasini jijini Dar es salaam
