Milioni 10 iko mezani kama kawaida

Leo Yanga itashuka uwanja wa Uhuru kuikabili JKT Tanzania katika mchezo wa ligi kuu ya Vodacom

Ushindi katika mchezo huo utawahakikishia wachezaji wa Yanga kitita cha Tsh Milioni 10 kama ilivyokuwa kwenye michezo mitatu iliyopita

Msemaji na Afisa Uhamasishaji wa Yanga Antonio Nugaz jana aliwaambia waandishi wa habari kuwa Milioni 10 itatolewa katika kila mchezo wa ligi ambao Yanga itashinda

Aidha alisema fedha hiyo inaweza kuongezeka kulingana na mahitaji ya mchezo husika

Wachezaji wa Yanga wameshavuna jumla ya Tsh Milioni 30 baada ya kushinda michezo dhidi ya Coastal Union, Mbao Fc na Ndanda Fc

Tangu GSM ianze kuahidi kitita hicho, Yanga imeshinda kila mchezo