Pamoja na kukosolewa sana na mashabiki kutokana na kukosa mwendelezo mzuri wa kuzifumania nyavu, mshambuliaji David Molinga uwepo wake uwanjani huisadia Yanga
Katika mchezo dhidi ya JKT Tanzania ambao Yanga iliibuka na ushindi wa mabao 3-2, Molinga alikuwa akiwapa wakati mgumu walinzi wa JKT Tanzania ambao wakati mwingine walilazimika kumkaba wawili
Hali hiyo iliwapa fursa Yanga kutawala mchezo na kutengeneza nafasi nyingi kwenye kipindi cha kwanza kwani Molinga aliwafanya walinzi wa timu hiyo wapande kwa tahadhari kubwa wakati timu yao inashambulia
Lakini baada ya Mcongomani huyo kutolewa na Mkwasa kubadili mfumo, aliwapa nafasi walinzi wa JKT Tanzania kuwa huru na athari hiyo ilionekana kwani walikuwa na uwezo wa kupanda kuongeza mashambulizi
Wachezaji aina ya Molinga wakati mwingine unaweza usione mchango wao lakini wanakuwa na msaada mkubwa katika kuwadhibiti walinzi wa timu pinzani
Lakini pia Molinga ndiye kinara wa mabao kwenye kikosi cha Yanga leo akitimiza mabao matatu
