Daktari wa kikosi cha Yanga Dk Sheki Mgazija amesema timu inaendelea vyema na maandalizi kuelekea mchezo dhidi ya Alliance Fc ambao utapigwa Ijumaa, Novemba 29
Akizungumza kwenye mazoezi ya timu hiyo yaliyofanyikwa uwanja wa Chuo cha Ualimu Butimba, Mgazija amesema hali ya hewa ya jiji la Mwanza ni baridi
Hivyo amesema benchi la ufundi linawapa wachezaji mazoezi maalum kuhakikisha wanazoea hali hiyo haraka
"Timu imefika salama, wachezaji wote wako kwenye hali nzuri leo tumeanza maandalizi kuelekea mchezo wa keshokutwa," amesema
"Hali ya hewa hapa Mwanza ni baridi tofauti Dar es salaam, benchi la ufundi linafanya kazi kuhakikisha wachezaji wanazoea hali hii haraka"
Baada ya kuwasili jijini Mwanza mapema leo, Yanga haikupoteza muda ambapo jioni imefanya mazoezi uwanja huo wa Butimba
Kesho Alhamisi mabingwa hao wa kihistoria watajifua kwenye uwanja wa CCM Kirumba
