Tutamaliza changamoto ya kuruhusu mabao - Tshishimbi

Nahodha wa Yanga Papy Tshishimbi amesema wanafanyia kazi changamoto ya kuruhusu mabao kila mchezo na anaamini watarekebisha tatizo hilo

Jana Yanga iliruhusu bao la saba msimu huu katika ushindi wa mabao 2-1 dhidi ya Alliance Fc ikiwa imeshuka dimbani mara saba

Ina wastani wa kufungwa bao moja katika kila mchezo

"Mwalimu anatuelekeza jinsi ya kuzuia ili tusifungwe lakini sisi kama wachezaji pia tunazungumza turekebishe makosa haya," amesema

Yanga imerejea jijini Dar es salaam usiku wa kuamkia leo tayari kwa mchezo dhidi ya KMC ambao utapigwa keshokutwa Jumatatu Disemba 02 kwenye uwanja wa Uhuru