Kamati ya Sheria na Hadhi za Wachezaji ya Shirikisho la Mpira wa Miguu nchini (TFF) imebainisha kuwa wachezaji wanaosajiliwa dirisha dogo la usajili lililofunguliwa Disemba 16 wanaruhusiwa kuzitumikia timu zao mpya pale taratibu za usajili zinapokuwa zimekamilika
Mwenyekiti wa Kamati hiyo Elias Mwanjala amesema ni ruksa kwa klabu yoyote kuwatumia wachezaji wake iliyowasajili dirisha dogo kama itakua imekamilisha taratibu zote
Hii ni habari njema kwa Yanga ambayo sasa ina uhakika wa kuwatumia wachezaji wake wapya kwenye mchezo dhidi ya Simba utakaopigwa January 04 2020
Misimu ya nyuma utaratibu ulikuwa mchezaji akisajiliwa anasubiri hadi muda wa usajili umalizike na mapingamizi yapite
Hata hivyo uongozi wa Yanga una kazi ya kufuatilia mapema vibali vya nyota wake wa kigeni ili kuweza kuwatumia kwenye mchezo huo
