Afisa Mhamasishaji wa Yanga Antonio Nugaz ametoa ufafanuzi wa suala la madai ya winga Mrisho Ngasa ambaye juzi aliibua sintofahamu kwenye mitandao ya kijamii
Akizungumza kwenye mahojiano na Wasafi FM, Nugaz amesema tayari walifikia makubaliano ya kumlipa kwa awamu ambapo malipo yake ya kwanza atayapa kesho Jumanne
"Kuna ulazima wachezaji wetu wakaelimishwa juu ya matumizi sahihi ya mitandao ya kijamii. Kwani ujumbe mdogo tu unaweza kuwa na athari kubwa," amesema
"Ngasa tulizungumza nae mapema na tulikubaliana atakuwa mmoja wa wachezaji ambao watalipwa kwa awamu na malipo yao ya kwanza ni kesho"
"Ifahamike kuwa madai haya si ya sasa ni ya miaka ya nyuma. Uongozi wa sasa unawajibika kuyalipa kwa kuwa ndio utaratibu, lakini yatalipwa kwendana na uwezo wa timu"
"Leo hii kama mchezaji anadai Milioni 40 kwa mfano Yanga haiwezi kulipa fedha hiyo kwa mkupuo kutokana na uwezo wake wa sasa"
"Wachezaji wapaswa waufahamu ukweli huu, wasidanganyane kuwa eti wakifanya migomo kwa kuwa kuna mchezo dhidi ya Simba unakuja, watalipwa. Ni vyema wakafahamu uhalisia wa mambo"
