Ukweli ni kwamba ujio wa kiungo Haruna Niyonzima umeongeza mzuka wa kikosi cha Yanga kuelekea mchezo dhidi ya watani zao Simba hapo kesho
Niyonzima aliyesajiliwa na Yanga mwishoni mwa mwaka jana akitokea klabu ya AS Kigali, aliwasili mapema jana na moja kwa moja kuelekea kambini
Jioni alishiriki mazoezi na wachezaji wengine. Alionekana mwenye furaha na muhimu zaidi yuko 'fit'
Fundi huyo wa mpira alionesha kuzoeana na wachezaji wengine haraka pengine ni kwa sababu baadhi yao alicheza nao mwanzo
Niyonzima amesema yuko tayari kucheza kesho, hatma yake iko mikononi mwa kocha Charles Mkwasa
Lakini hakuna shaka kama atapewa nafasi, atakuwa na mchango mkubwa kwenye mchezo huo
Kwani anawafahamui vizuri Simba na hiyo itakuwa nafasi yake kurejesha imani ya baadhi ya mashabiki ambao walichukizwa na uamuzi wake wa kwenda kujiunga na Simba
Yanga leo itakamilisha maandalizi yake ya mwisho kwenye uwanja wa Taifa
