Wachezaji wa zamani wa Yanga Edibily Jonas Lunyamila na Mohammed Hussein 'Mmachinga' walipata nafasi ya kuzungumza na wachezaji kuwapa uzoefu wao wa mechi za dabi huku wakiwataka wahakikishe wanashinda mchezo wa leo
Nyota hao ambao historia yao Yanga inaweza kuandikwa kwa wino wa dhahabu, amesema mchezo dhidi ya Simba leo unaweza kuwa mwepesi kuliko wengi wanavyofikiria
Amewataka wachezaji kuwa watulivu na wafahamu kuwa ni heshima kubwa kwao kushiriki mchezo huo na matokeo mazuri yatakuwa kumbukumbu ambayo itabaki kwa miaka mingi
"Mchezo dhidi ya Simba hautakuwa mgumu kwenu, mnapaswa kuwa watulivu na mfahamu ni heshima kubwa kucheza mchezo huu hasa ukiwa mchezaji wa Yanga"
"Hakuna kitu wanataka mashabiki wa Yanga kutoka kwenu zaidi ya ushindi. Mkifanya vizuri, mtanufaika kiuchumi lakini pia ni heshima kwenu, mtabaki kwenye mioyo ya mashabiki wenu kwa miaka mingi," alisema
Nae Mmachinga aliwataka wachezaji kutoka na hofu kwani mchezo wa leo ni wa kawaida
"Tuna kikosi kizuri, wala msiwe na hofu, chezeni kama mlivyoelekezwa na Mwalimu, hawa ni wetu tu"
GSM, wadhamini wa Yanga wameweka mezani kitita cha Tsh Milioni 50 kwa ajili ya ushindi dhidi ya Simba leo
Lakini mchezaji bora wa mchezo kwa upande wa Yanga pia atazawadiwa godoro 'brand" chapa GSM
