Mapinduzi Cup : Yanga kamili kuikabili Mtibwa Sugar leo

Kikosi cha mabingwa wa kihistoria Tanzania Yanga leo kitashuka uwanja wa Amaan kuikabili Mtibwa Sugar kwenye mchezo wa kwanza wa nusu fainali michuano ya kombe la Mapinduzi ambao utapigwa saa mbili na robo usiku

Yanga ilitinga nusu fainali baada ya kuilaza Jamhuri mabao 2-0 juzi

Jana jioni Yanga ilikamilisha maandalizi yake ya mwisho kuelekea mchezo huo

Wakati Yanga ikishuka dimbani leo, watani zao Simba watacheza na Azam Fc hapo kesho

Upo uwezekano Yanga na Simba zikakutana kwenye mchezo wa fainali kama zitashinda michezo yao ya nusu fainali

Lakini pia zinaweza kukutana kusaka mshindi wa tatu kama zote zitapoteza michezo yao ya nusu fainali