FT : Yanga 0-3 Kagera Sugar

Yanga imeshindwa kutamba uwanja wa Uhuru baada ya kufumuliwa mabao 3-0 na Kagera Sugar

Kukosekana kwa umakini kumeigharimu Yanga leo na kujikuta ikipoteza mchezo ambao waliutawala dakika za mwanzo

Mabao mawili kati ya matatu ya Kagera Sugar yalitokana na makosa ya wachezaji wa Yanga wenyewe

Kadi nyekundu iliivuruga Yanga

Yanga ilipoteza mwelekeo kwenye dakika ya 39 baada ya kiungo Mohammed Issa kutolewa nje ikiwa ni matokeo ya kuonyeshwa kadi mbili za njano

Kipindi cha pili Yanga haikuweza kwendana na kasi ya Kagera Sugar ambao walitumia vyema wingi wao uwanjani

Ni mchezo ambao Yanga ingeweza kufungwa mabao mengi kama sio uhodari wa mlinda lango Faroukh Shikhalo aliyeokoa mabao ya wazi kwenye dakika za majeruhi