Uongozi wa klabu ya Yanga umemsisitizia beki wake Ali Ali kuwa anapaswa kujiunga na JKT Tanzania alikopelekwa kwa mkopo
Inaelezwa Ali aliyetua Yanga kutoka klabu ya KMC, ameondolewa kwenye kikosi cha Yanga na anapaswa kwenda kuitumikia JKT Tanzania
Aidha huyo beki hodari wa kupiga mipira ya vichwa, aliomba apelekwe klabu ya KMC, hata hivyo ombi hilo lilikataliwa
Ali ameweka msimamo wa kutojiunga na JKT Tanzania na sasa akiutaka uongozi wa Yanga uvunje mkataba wake
Alichosema kuhusu sakata lake;
"Dirisha lilikuwa linafungwa usiku halafu siku hiyo hiyo nikaambiwa naenda kwa mkopo JKT Tanzania, nilikataa nikawaambia nitabaki hapa hapa nitapambana kuhakikisha napigania namba kwa kuwa nina uwezo, Katibu akanijibu sawa"
"Baada ya hapo nikaona taarifa nimetolewa kwa mkopo, nikawasiliana na Katibu akanijibu ni lazima niondoke kwa mkopo
"Nikampa masharti nitolewe kwa mkopo kwenda KMC lakini Yanga SC wakakataa Nilimuuliza katibu sijui hatma yangu kwa kuwa wenzangu walikuwa Singida na mimi nipo njia panda
"Kiukweli sitoweza kuwasiliana naye tena kutokana na majibu aliyonipa ila akanisisitiza siwezi kujiunga na Yanga tena. Kama Yanga hawanitaki ni vema wakavunja mkataba wangu niwe huru kwa maana sasa sielewi hatma yangu"
