Yanga imetakata leo uwanja wa Taifa ikiifumua timu ngumu ya Tanzania Prisons mabao 2-0 katika mchezo wa raundi ya nne michuano ya kombe la FA (ASFC)
Alikuwa ni Bernard Morrison aliyeiangamiza Prisons kwa kufunga bao moja na pia kutengeneza bao la pili lililofungwa na Yikpe Gnamien
Morrison alianza kuifungia Yanga bao mapema tu kwenye dakika ya 11 kwa mkwaju wa penati baada ya mlinzi wa Prisons kuunawa mpira ndani ya eneo la hatari
Bao la pili lilipatikana kwenye dakika ya 64 Gmanien akimalizia kwa kichwa pasi murua ya Morrison
Katika mchezo huo Morrison alifanya mambo adimu ambayo hayakuwahi kuonekana hapa nyumbani
Kikosi cha Eymael kilikuwa bora sana siku ya leo, Mbelgiji huyo ameanza kufanikiwa kuifanya Yanga icheze kama 'playstation'
Ushindi huo umeipeleka Yanga hatua ya 16 bora ya michuano hiyo ambapo sasa itacheza na Gwambina Fc katika mchezo unaofuata
