Baada ya mapumziko ya wiki nzima, kikosi cha Yanga leo kitashuka kwenye uwanja wa Taifa kuikaribisha Mtibwa Sugar katika mchezo wa ligi kuu ya Vodacom
Baada ya kushinda michezo miwili iliyopita, kikosi cha Luc Eymael kitahitaji kuendeleza wimbi hilo la ushindi ili kuhakikisha wanaendelea kubaki kwenye mbio za kuwania ubingwa
Yanga imeshuka dimbani mara 15 na kujikusanyia alama 28 ambazo ni alama 19 pungufu ya vinara wa ligi hiyo Simba wenye alama 47
Hata hivyo Simba imecheza mechi tatu zaidi ya Yanga
Mchezo dhidi ya Mtibwa Sugar hautakuwa mwepesi kutokana na kuimarika kwa mabingwa hao wa kombe la Mapinduzi
Kwenye mchezo wao uliopita, Mtibwa Sugar walipata matokeo ya sare ya bao 1-1 dhidi ya Azam Fc katika mchezo ambao ulipigwa uwanja wa Taifa
Afisa Mhamasishaji wa Yanga Antonio Nugaz ametaja viingilio vya mchezo huo kuwa VIP A ni Tsh 15,000/- VIP B na C ni Tsh 10,000/- na Mzunguuko ni Tsh 5,000/-
