Yanga inaanza duru ya pili kabla ya kumaliza ya kwanza

Hii ndio ligi ya Tanzania!. Kesho Jumamosi Yanga inaanza mzunguuko wa pili wa ligi kuu ya Vodacom kwa kuikabili Ruvu Shooting katika mchezo ambao utapigwa uwanja wa Uhuru

Hata hivyo Yanga inaanza duru ya pili huku ikiwa na mechi mbili za viporo

Yanga bado haijacheza na timu za Namungo Fc na Mwadui Fc, mechi hizo hazipangiwa tarehe ya kuchezwa

Msimu uliopita pia Yanga iliingia duru ya pili huku ikiwa na kiporo cha mchezo dhidi ya Azam Fc

Kuelekea mchezo dhidi ya Ruvu Shooting, uongozi wa Yanga umewataka mashabiki wake kujitokeza kwa wingi kuiunga mkono timu yao

Viingilio vya mchezo huo VIP ni Tsh 10,000/- na Mzunguuko ni Tsh 5,000/-