Afisa Mhamasishaji wa Yanga Antonio Nugaz amevitaka vyombo husika kufanya uchunguzi wa haraka kubaini wahusika wa matukio ya 'kuchafua' vyumba vya kubadilishia nguo kwani anaamini mabingwa hao wa kihistoria ni wahanga wa uchafuzi huo
Kupitia ukurasa wake wa mtandao wa Instagram, Nugaz ameandika;
"Ikiwa huu ni mchezo wa tatu mfululizo kwetu Yanga tunaona wazi kabisa Kuwa timu yetu Kipindi Cha pili inakata upepo ukitazama namna Wachezaji wanavyofanya mazoezi Dakika 120 kisha iweje ndani ya Dakika 60+ timu ikate upepo?"
"Lipo la kuhoji Hapa,Kumekuwa na Shutuma kwenye michezo mbalimbali kuhusu harufu mbaya kwenye vyumba vya kubadilishia Nguo kwa Wachezaji wetu na mfano halisi ni timu ya Namungo kocha wake alilalamika kuwepo kwa harufu mbaya isiyo ya kawaida,Kiukweli kabisa ukiwa na fikra yakinifu lazima ujenge Mashaka na walakin juu ya hilo"
"Nyuma ya pazia kuna nini kinafanyika wakati wa mapumziko au kabla ya mchezo kuanza,Uchunguzi wa kina na wa kiintelijensia unahitajika ili kuweza kurejesha Amani na Imani kwenye hili"
"Natoa Wito kwa Mamlaka husika kuingilia kati Katika hili na kuleta haki na usawa kwa mustakabali wa maendeleo ya mpira wa miguu Katika Nchi yetu," ameandika Nugaz
Katibu Mkuu wa TFF Wilfred Kidao amesema kuwa wameyasikia malalamiko ya vilabu kuhusu uwepo wa harufu hiyo uwanja wa Taifa na wameahidi kufanya uchunguzi
"Timu mwenyeji inakabidhiwa uwanja masaa 12 kabla ya mchezo, hivyo lolote hatujui nini kinafanyika hapo katikatu lakini kwa sasa hatuwezi kusema chochote mpaka pale uchunguzi utakapokamilika. Uzuri mule vyumbani kuna CCTV Camera ambazo zitatusaidi kubaini nini kinafanyika kabla ya mchezo"
"Na kama tutabaini timu yoyote kuhusika na hili, tutaichukulia hatua kali, kwani wanachafua taswira ya soka la Tanzania"
