Nchimbi ashinda tuzo ya mchezaji bora mechi ya Ruvu Shooting

Mshambuliaji Ditram Nchimbi ameshinda tuzo ya mchezaji bora wa Yanga kwenye mchezo wa ligi kuu kati ya Ruvu Shooting dhidi ya Yanga ambao ulipigwa jana kwenye uwanja wa Uhuru

Nchimbi aliwashinda Haruna Niyonzima na Papy Tshishimbi

Wadhamini wa Yanga kupitia magodoro ya GSM Foam wameanzisha utaratibu wa kutoa tuzo ya mchezaji bora kwenye kila mchezo ambaye atakuwa akizawadiwa godoro maridhawa

Kwenye mchezo wa jana Nchimbi alikuwa katika kiwango bora ambapo ndiye aliyetengeneza bao la Yanga lililofungwa na David Molinga

Zoezi la kumchagua mchezaji bora liliendeshwa kwenye ukurasa wa Yanga wa mtandao wa Twitter