Mchezo wa mzunguuko wa pili ligi kuu ya Vodacom kati ya Yanga dhidi ya Simba umepangwa kupigwa March 08 kwenye uwanja wa Taifa, muda huenda ukawa saa moja usiku
Siku hiyo itakuwa Jumapili na ili kuhakikisha mashabiki wengi wanapata nafasi ya kuushuhudia mchezo huo, uongozi wa Yanga umeombwa kuwasiliana na Bodi ya ligi ili kuomba mchezo huo urudishwe nyuma kwa siku moja yaani upigwe March 07 ambayo itakuwa Jumamosi
Hii itatoa fursa kwa mashabiki kutoka nje ya Dar kusafiri kushuhudia mchezo huo Jumamosi na siku ya Jumapili wakaitumia kurejea makwao
Pia mchezo huo kama utapigwa saa moja jioni, hautakuwa muda rafiki, ni wazi mashabiki wengi wanaweza wakabaki majumbani mwao kushuhudia mtanange huo kupitia Azam TV
Hapa itakayoathirika zaidi ni Yanga kwa kuwa ndio wenyeji wa mchezo huo, mapato yatapungua
Ni vyema dabi hiyo ikapigwa siku ya Jumamosi, saa 11 jioni kama ulivyokuwa mchezo wa kwanza uliopigwa Januari 04 ambao ulimalizika kwa sare ya mabao 2-2
