Wakati mwingine unaweza kumuelewa kocha Luc Eymael kwa nini amemfanya David Molinga kuwa mshambuliaji wake kiongozi kwenye kikosi cha Yanga
Molinga anaonekana kuwa bora zaidi ukilinganisha na washambuliaji wengine waliopo
Kukosekana kwake kwenye kipindi cha kwanza pamoja na Ditram Nchimbi aliyekuwa anatumikia adhabu ya kadi tatu za njano na Haruna Niyonzima ambaye ni majeruhi, kulipunguza kasi ya Yanga kwenye mchezo dhidi ya Prisons leo
Katika mchezo huo Yanga ilimtegemea zaidi Bernard Morrison huku Tariq Seif akionekana kufanya jitihada ingawa anahitaji muda zaidi wa kucheza ili kuzoeana na wenzake
Yikpe Gnamien bado haonekani kufit kwenye mfumo wa Eymael ingawa mwenyewe anajaribu kumfanya aingie kwenye timu yake
Eymael mwenyewe amekiri kuwa safu yake ya ushambuliaji haiko sawa na alitamani kusajili mshambuliaji mwingine haraka lakini sheria za soka la Tanzania haziruhusu wachezaji huru kusajiliwa dirisha likiwa limefungwa
Timu imekuwa ikicheza vizuri kuanzia nyuma na sehemu ya kiungo, kazi inapaswa kufanywa kuiongezea makali safu ya ushambuliaji
Pengine mwishoni mwa msimu dirisha kubwa la usajili litakapofunguliwa, Yanga itarejea tena sokoni kusaka mshambuliaji
