Tutarekebisha makosa - Abdul

Nahodha Msaidizi wa Yanga Juma Abdul amekiri kuwa wanapita katika wakati mgumu kutokana na matokeo ambayo wameendelea kuyapata

Hata hivyo amesema hawapaswi kukata tamaa, wanahitaji kurekebisha makosa yanayojitokeza wasonge mbele

"Kila mtihani una mitiani yake kikubwa kuwa watulivu kuangalia tunakosea wapi nakuweza kurekebisha makosa ili tuweze kusonga mbele," amesema Abdul

Yanga jana ililazimishwa sare ya bao 1-1 na Polisi Tanzania katika mchezo wa ligi kuu uliopigwa uwanja wa Ushirika, Moshi

Huo ni mchezo wa tatu mfululizo Yanga inakosa ushindi

Pia ililazimishwa matokeo ya sare dhidi ya Mbeya City na Tanzania Prisons

Ni mwenendo ambao umefifisha matumaini ya kuwania ubingwa wa ligi kuu msimu huu