Afisa Habari wa Yanga Hassan Bumbuli amesema wachezaji watapata mgao wao wa Tsh Milioni 200 baada ya kupata ushindi wa bao 1-0 dhidi ya Simba katika mchezo uliopigwa uwanja wa Taifa Jumapili iliyopita
Bumbuli amesema fedha hizo zitagawiwa kulingana na ushiriki wa kila mchezaji katika mchezo huo
"Kwanza tuna wale wachezaji 14 ambao walikuwa dimbani siku ya mchezo, wao watakuwa na mgao wao"
"Pili wale wengine ambao walikuwemo kwenye kikosi cha wachezaji 18 wa mchezo lakini hawakupata nafasi ya kucheza watakuwa na mgao wao"
"Lakini wapo wachezaji ambao ni miongoni mwa wale 23 ambao waliingia kambini kujiandaa na mchezo, wao pia watakuwa na mgao wao"
"Mwisho kabisa ni wachezaji wengine ambao ni miongoni mwa wachezaji 29 tuliowasajili nao watapata mgao"
"Hatutawasahau viongozi wetu wa benchi la ufundi pia watakuwa na mgao wao"
"Fedha tayari zipo kinachosubiriwa ni kukamilika kwa michakato ya ndani ili wahusika wapate haki yao," amesema Bumbuli
Wadhamini wa Yanga kampuni ya GSM iliahidi kutoa kitita hicho kama Yanga ingeibuka na ushindi dhidi ya Simba, matokeo ambayo yalipatikana
