Safari hii wataenda FIFA mapema!

Kwenye Mkutano wake na waandishi wa habari uliofanyika leo, Msema chochote wa Simba Haji Manara amedai klabu yake ilinyimwa penalti mbili na refa Heri Sasii katika mchezo wa Ligi Kuu ya Vodacom Tanzania Bara dhidi ya Yanga SC uliomalizika kwa sare ya 1-1 Jumamosi Uwanja wa Uhuru, Dar es Salaam.

Manara amedai refa alikwenda na matokeo yake uwanjani!

Mwanzoni mwa msimu ni huyuhuyu Manara aliyewaaminisha wanachama na mashabiki wa Simba kuwa uongozi umewasajilia timu ambayo inaweza kutangaza ubingwa hata mwishoni mwa mzunguuko wa kwanza.

Akasema kikosi cha Simba kinathamani ya zaidi ya Bil 1.3 na hivyo haoni timu ya kuwazuia kutwaa ubingwa.

Sasa baada ya kucheza michezo nane na kujikuta wameshinda minne pekee tayari wameshaanza kubadili lugha!

Alichokifanya Manara ni kujaribu kuwatia hofu waamuzi watakaochezesha michezo yao ili pengine wapindishe sheria ili mradi tu timu yao ishinde.

Kuna haja ya Bodi ya ligi kuwa makini sana na hawa watani zetu kwani wameshaona uwezekano wa kutwaa ubingwa ni mdogo sasa wanaweza kutumia mbinu zozote ili mradi kuhakikisha wanafikia lengo hilo kutuliza mzuka wa mashabiki wao.

Hakika yule aliyesema njia pekee ya wao kutwaa ubingwa ni kuliiba kombe hakukosea!

Nawaona wakianza harakati za kwenda FIFA mapemaaa.