Maambukizi ya kwanza ya Corona yabainika Tanzania

Waziri wa Afya, Mh Ummy Mwalimu amethibitisha kuwapo kwa mgonjwa wa kwanza wa Corona nchini Tanzania.

Mgonjwa huyo mwanamke (46) ambaye jina lake halijawekwa hadharani, aliwasili nchini akitokea Ubelgiji kwa Ndege ya Shirika la ndege la Rwanda katika Uwanja wa KIA, Machi 15 mwaka huu.

Mwanamke huyo alifanyiwa uchunguzi katika uwanjani hapo na kuonekana kutokuwa na homa lakini baadaye alijisikia vibaya na kwenda Hospitali ya Mt.Meru na kuchukuliwa vipimo vilivyothibitisha kuwa na maambukizi ya virusi vya COVID -19.

Kwa mujibu wa Ummy mwanamke huyo anaendelea na matibabu

Tahadhari imetolewa kwa wananchi kujihadhari na ugonjwa huo hatari